白阿姨热线故事~电信公司购手机记

pine461

      观众朋友，大家不要走开啊！下面的事体老气人格。
     一个老伯伯，手机坏特了，到张狗路电信公司去买了一只手机，营业员欺负伊是老年纪人不识货，态度差是差得来。现在格手机，花头透啊，年轻人跑上来也有人不懂，何况是老人呢？
     啥事体呢？诺，手机里面装了交关软件，网络么勿替伊关特，也勿告诉伊迭戈情况。后台软件一直在消耗流量，老年人又勿懂格，手机么就是打打电话，一个月用勿特多少格，啥人会去开通流量套餐。所以讲,1K几分，1M几十，老伯伯还算谨慎，买了新手机，查了查话费情况，一些些功夫，电话也没打，几十元没有了。老伯伯哈杀了，要紧去电信公司问，迭戈晨光，小姑娘还要骗伊哦，是迭仁格，正常格。滑稽了，侬一个小职员，电信公司又不是侬屋里厢开格，做啥要弄送老人呢？难道侬屋里厢无得老人格？
     今朝呢，白阿姨在格里爆爆光，屋里有老人的，要当心点，数码产品之类的购买，还是要小格去办，或者咨询一下，比较妥当。勿要看到伊是国营公司，勿会欺诈，现在人心叵测，还是当心点为好。

602

个小姑娘不作兴格阿  啥人漏出来害人格阿

BYL

残古个      

临睡吻你一次

叫老巴巴 去柜台叫他们系统上查一查 不要的东西通通关特一

pine461

临睡吻你一次 发表于 2012-12-19 19:06
叫老巴巴 去柜台叫他们系统上查一查 不要的东西通通关特一

老伯伯哈是哈得来，买了个手机像买了个炸弹。