浏河长江

看见寔恁吤报道，可能蛮多同乡全会拿矛头指向nga di nyin，但冷静下来想想看，本地汉语吤衰弱垃相当大吤程度上全是我伲自家造成吤。大多数人对本地汉语吤理解还停留垃“土话”吤层面上，认为是傍普通话（北京言话）低级吤言话，外加顽固吤误认为话著“土话”就会讲不好“北京言话”，故嘞交关爷娘全不肯撘囡庶俦话本地汉语，甚至动员老一辈也搭孙辈俦开洋泾浜吤“北京言话”。本地汉语吤家庭阵地丧失，同龄人之间越加不可能用本地汉语交流，呒不语言环境，自然难以传承，连当想融入吤nga di囡也学不着本地言话，倒转来是本地囡“融合”成著nga di囡。昰种情况垃我伲本地囡占绝对优势吤学堂里看得煞煞清。

本地人自家轻视本地言话，不肯话本地言话，不肯教囡庶本地言话，昰个是本地言话衰弱吤根本原因——当然，受廿年前头“片面推广北京言话，刻意扼杀各地汉语”吤遗毒影响不小，而普通民众又有随权随势吤盲动性，到乃我塱推动嘉定言话传承撘振兴吤过程中，最大吤阻力眼眼调是来自我伲嘉定人内部吤，交关人觉着“土言话”根本呒不必要传下去，反对囡庶学习嘉定言话，认为只有讲好“北京言话”么是“规范”“规矩”吤。

我伲吤语言学、语言观教育是缺失吤，对于大多数人来讲，根本意识不着本地汉语是标准吤汉语，根本不晓得本地汉语撘古汉语吤对应关系是煞齐吤。（注意：北京言话撘古汉语吤对应关系是乱脱吤。）

浏河长江

rr66 发表于 2015-7-11 11:38
可能我表达不确切，我的意思是现在大家概念里的上海话其实包括了嘉定话，浦东话等等等等，对其他地方的朋 ...

佷讲吤意思蛮清爽，呒不问题吤。对于绝大多数人来讲，肯定会偏向用行政区划来指称吤，大地名套小地名，再正常不过啧，就像四川言话、安徽言话嘞铤，下级行政区吤方言再分别冠以该行政区吤名头称呼。当然，因为上海是市，话着上海言话，交关人常常会偏指上海城区言话，会忽略甚至无视郊区言话，上头两位老兄希望强化嘉定言话吤地位，覅撘上海城区言话俦混起来，昰个出发点当然也是相当好吤。但毕竟嘉定区属于上海市已经是既成事实，嘉定区吤本土言话自然也是上海市本土言话吤一部分，从行政区吤角度讲嘉定言话也是上海言话吤一支也是呒不问题吤，本地、外地蛮多人全是统称全上海吤方言为上海言话吤，就像我伲统称四川言话、安徽言话、江西言话嘞铤一样吤，不必偏执到绝对不许寔恁讲。市里乡吤沪语比赛我伲各郊区也去参加吤，外加就用郊区言话讲，也照样受到好评吤。

当然，楼上两位老兄还晓得语言学上吤分区。从语言学上讲，全上海全属于吴语·太湖片·苏沪嘉小片，但嘉定区中北部属于  嘉定方言区，嘉定区东南角吤封浜、江桥抄东南一直到浦东、南汇，包括上海城区，全属于上海方言区，语言学上吤  嘉定方言区  撘  上海方言区  是平级吤，不是互相隶属吤。封浜、江桥言话是嘉定区吤本土言话，但不属于嘉定方言区，属于上海方言区。

rr66

浏河长江 发表于 2015-7-21 11:30
佷讲吤意思蛮清爽，呒不问题吤。对于绝大多数人来讲，肯定会偏向用行政区划来指称吤，大地名套小地名，再 ...

很专业，学习了。

ZORROLLT

所谓的yp精英